بارزانی وشداری له‌و پلانه‌يله دا ك مه‌راميان ملله‌ت كورده
و هه‌ر له‌وه‌ر ئه‌وه‌يش جه‌خت له‌بان خواست مقه‌يتيكردن ئاينده كرد.
بارزانی له وتاريگ وه بوونه‌ی ٥٢يه‌مين ساڵياد شووڕش ئه‌يلوول ك روينويسيگی ره‌سيه (شه‌فه‌ق نيوز)وت: شووڕش گه‌ورای ئه‌يلوول وه سه‌ركردايه‌تی بارزانی نه‌مر تويه‌نست ده‌رئه‌نجاميگ ئه‌را فكره‌و مه‌رام خراو دوشمنه‌يل له‌بان ملله‌ت كورد دابنه‌يدو هه‌ر له‌وه‌ر ئه‌وه‌يش شووڕش ئه‌يلوول رووح وه‌رگری خسته گيان كوردستانيه‌يل و زوڵم و سته‌مكاری ره‌ته‌و كردن.
بارزانی باس له يه‌يش كرد ك هه‌رێم كوردستان پيشكه‌فتن وه‌رده‌واميگ وه‌خوه‌يه‌و دوينيدو يه‌يش ده‌رخست ك ملله‌ت كورد هيمان هه‌وه‌جه وه رووح وه‌رگری و خودمتمانه‌يی و يه‌كڕزی ديرن، چوينكه ملله‌ته‌گه‌مان روی وه‌ڕوی ئه‌وه پلانه‌يله بووده‌و ك هه‌وڵ زه‌فه‌رهاوردن له ده‌سكه‌فته‌يل كورد له‌تی دريه‌يد.
هه‌ر له‌وه‌ر ئه‌وه‌يش بارزانی خوازيار هاوكاريه له‌وه‌رخاتر ئاينده‌يگ خاستر و مقه‌يه‌تيكردن له يه‌كڕزی وه‌گشت وشيارييگ و هه‌ميش داوا له جايه‌ڵه‌يل و خوه‌ندكاره‌يليش كرد ته‌ماشای تاريخ خه‌بات ملله‌ته‌گه‌يان بكه‌ن و رووح وه‌رگری و خود متمانه‌يی بيه‌نه پێشمه‌رگه‌و له‌هه‌مان وه‌خت وه ئيراده‌ی بته‌ويگه‌و بنوڕنه ئاينده‌ی ملله‌ته‌گه‌و ڕی نه‌يه‌ن دوشمن ده‌رفه‌ت وه‌ربگريدو له‌كه‌دار تاريخمان بكه‌ن.
ج . أ
