بارزانی: كوردستان هه‌وه‌جه وه بار ئارام و سه‌قامگيری سياسی ديريد له قوناغ ئاينده
2013-12-23T12:15:38+00:00
له به‌ياننامه‌ی پارت ديموكرات كوردستان ئه‌را(شه‌فه‌ق نيوز)ئه‌وه ده‌ركه‌فت ك بارزانی دويه‌كه پيشوازی له يه‌كيگ له ئه‌ندامه‌يل حزبه‌گه‌ی كردگه له خول وه‌رين په‌رله‌مان كوردستان و له‌و ديداره ئاماژه وه ئه‌وه كردگه ك په‌رله‌مان و حكوومه‌ت ئاينده كه‌فنه وه‌رده‌م قوناغ تازه‌يگ و ئه‌رك و كرده‌وه‌يليگ تازه گرنه خوه‌يان و هه‌وه‌جه وه كار ده‌سه‌جه‌می و يه‌كهه‌ڵويستی ديريد ك ئه‌ويش پيشكه‌شكردن خاسترين خزمه‌تگوزرايه له گشت بواره‌يل.
بارزانی ئاماژه وه‌يه‌يش كرد ك وه‌ل لايه‌نه‌يل تر هه‌وڵ فيشتر ئه‌ياد ئه‌را جيوه‌جيكرن ئی ئامانجه‌يله له قوناغ ئاينده.
ج . أ
