بارزانی ده‌خاڵه‌ت به‌غدا له سياسه‌ت هه‌ولێر له‌بوار وزه ره‌ته‌و ئه‌كا
و هيمان دويای ١٠ ساڵ پلان خاسيگ نه‌ناگه ئه‌را ئاينده‌ی وڵاته‌گه تا حكوومه‌ت كوردستان كار هاوبه‌ش وه‌ليا ئه‌نجام بيه‌يد وه‌گووره‌ی ريككه‌فتن خواست.
بارزانی له لێدوانه‌يلی ئه‌را رووژنامه‌ی ئه‌لمه‌دای به‌غدادی و له‌جواو پرسياريگ ك(شه‌فه‌ق نيوز)ئاگاداری بوی، ده‌خاڵه‌تكردن به‌غدا له سياسه‌ت هه‌رێم له‌بوار وه‌زه‌و بواره‌يل تر ره‌ته‌وكرد و وت: عراقيه‌يل بايه‌سه بزانن ك كوردستان به‌شيگه له‌عراق و هه‌ر پيشكه‌فتنيگ له‌هه‌رێم له به‌رژه‌وه‌ندی گشت عراقه.
بارزانی هه‌ميش وت: گرفت ها له‌ورا حكوومه‌ت به‌غدا دويای ١٠ ساڵ له‌بان ئاڵشتكاری رژيم، هيمان پلان خاسيگ ئه‌را ئاينده‌ی وڵاته‌گه نه‌يريدو ئيمه‌يش خاڵه‌يل فريه‌يگ له‌بان ره‌فتارو خزمه‌ته‌يلی ديريم و به‌رهه‌م كاره‌بايش خاسترين به‌ڵگه‌س ئه‌را ئه‌وه‌ك هيمان غه‌ڵه‌يل گه‌ورا هه‌س له كاره‌يلی و جی باوه‌ڕ نيه ك وزه‌ی كاره‌با وه‌ی خراويه مينيد له‌سای خه‌رجكردن ئه‌و هه‌ممگه پويل فراوانه.
ج . أ
