ئيران ده‌رس خوه‌نين له 9 پاريزگا وسان
شه‌فه‌ق نيوز/ عه‌لى ره‌زا وه‌هاب زاده، را,ێژكار وه‌زاره‌ت ته‌ندروستى ئيرانى، ئاشكراى به‌سانن گشت زانكۆ و كۆليژه‌يل كرد له چه‌ن پاريزگايگ له وڵاته‌گه.
وه‌هاب زاده وه‌گووره‌ى ته‌له‌فزيۆن روسيا ئه‌ليه‌وم وت: له‌وه‌رگرتن رێ و شوون خواست له‌باره‌ى بڵاوبوينه‌وه‌ى ڤايرۆس كۆرۆنا، زانكۆيه‌يل و كۆليژه‌يل له پاريزگايه‌يل ته‌هران و ئه‌لبورز و قه‌زوين و مه‌ركه‌زى و قوم و هه‌مه‌دان و ئه‌سفه‌هان و جيلان و مازنده‌ران ئه‌گرێده‌و، ئاماژه وه‌يه‌يش كرد ك ئى شوونه‌يله داخريه‌ن تا كووتايى هه‌فته.
جى باسه، لاى خوه‌يه‌و ئاژانس "ئيران نيوز" له‌ڕێ ته‌ليگرامه‌گه‌ێ ئاماژه وه تويشهاتن 2 كه‌س له كانديده‌يل سه‌ركه‌فتگ له هه‌ڵوژاردنه‌يل په‌رله‌مانى ئيرانييش كرد له‌بان شار ره‌شت له ولايه‌ت جيلان، ك ئه‌وانيش عه‌لى ئاقازاده و عه‌لى ره‌مه‌زانى وه ڤايرۆس كۆرۆناى تازه.
