ئه‌ڵمانيا 4800 حاڵه‌ت تر تويشهاتن وه ڤايرۆس كۆرۆنا تۆمار كرد
2020-04-06T09:11:34+00:00
شه‌فه‌ق نيوز/ ئه‌ڵمانيا له ماوه‌ى 24 سه‌عات گوزه‌يشت 4800 حاڵه‌ت تر تويشهاتن وه ڤايرۆس كۆرۆنا تۆمار كرد و وه‌يه‌يش شماره‌ى تويشهاتگه‌يل وه‌و ڤايرۆسه ره‌سيه زياتر له 95 هه‌زار و 900 حاڵه‌ت.
ئاژانس هه‌واڵه‌يل ئه‌ڵمانى ئه‌وه ده‌رخست ك وڵاته‌گه تا ئيواره‌ى يه‌كشه‌ممه زياتر له 95 هه‌زار و 900 حاڵه‌ت تويشهاتن وه ڤايرۆس كۆرۆناى تازه تۆمار كردگه‌و له‌ماوه‌ى 24 سه‌عات گوزه‌يشت 4800 حاڵه‌ت تر تازه تۆمار كردگه.
جى باسه، ئاژانسه‌گه يه‌يش ده‌رخست ك جه‌م شماره‌ى حاڵه‌ته‌يل تويشهاتن وه‌و ڤايرۆسه ك وه‌رجه رووژيگ تۆمار كرياگه ره‌سيه‌شه 91 هه‌زار و 100 حاڵه‌ت.
