ئه‌مريكا ئدانه‌ی ته‌قينه‌وه‌يل به‌غدا كرد
2013-10-28T10:45:48+00:00
و جه‌خت له يه‌يش كرد ك وڵاته‌يل يه‌كگرتگ ئه‌مرياكا وه‌رده‌وامه له پشتگيريكردن عراق ئه‌را روی وه‌ڕوی بوينه‌وه‌ی ترۆر.
له به‌ياننامه‌ی باڵوێزخانه‌گه ك روينويسيگی ره‌سيه(شه‌فه‌ق نيوز)هاتگه: ئه‌و په‌ڵاماره‌يل ترۆريستيه ك دويه‌كه له به‌غداو ناوچه‌يل تر عراق رويداو بويه بايس كوشيان و زه‌خمداركردن مه‌ردمان فريه‌يگ، بويه مايه‌ی ناڕه‌حه‌تی باڵويزخانه وڵاته‌يل يه‌كگرتگ له عراق و له‌هه‌مان وه‌خت ئه‌و په‌لاماره‌يله وه تون وتيژی و تاوان تاريف كرد.
هه‌ر له‌و به‌ياننامه يه‌يش ده‌ركه‌فت ك وڵاته‌يل يه‌كگرتگ وه‌رده‌وام جوور هاوبه‌شيگ بته‌و عراق مينيد له جه‌نگی دژ ترۆرو پشتگيری هه‌وڵ وته‌قلای حكوومه‌ت عراق ئه‌كا له‌وه‌ر خاتر بته‌وكردن بار ئاسايش له گشت عراق.
ج . أ
