ئه‌حرار جه‌خت له‌بان تويڕه‌يی مه‌ردم شار سه‌در كرد
و له‌هه‌مان وه‌خت گومان له‌وه‌يش كرد ك حكوومه‌ت ره‌فتاری نه‌رم بوود وه‌ل ئه‌و تومه‌تباره‌يله.
حسێن شه‌ريفی ئه‌ندام فراكسيۆنه‌گه له‌به‌ياننامه‌يگ ك روينويسيگی ره‌ه‌سيه(شه‌فه‌ق نيوز)وت: ئی داواكاريه ئه‌را يه‌كه‌مجاره له‌وه‌ر وجوود ئه‌و تويڕييه ك له‌لای روڵه‌يل شاره‌گه په‌يا بويه‌و شاره‌‌گه‌يان جوور شوونه‌يل تر كه‌فته وه‌ر په‌لامار دڕنده‌ی ترۆر و گومبوين متمانه‌ی ناونی حكوومه‌ت و ملله‌ت.
جی باسه، مه‌ردم تويڕه‌ی شار سه‌در له‌ئاكام ئی په‌لامار دوياخره چه‌ن ڕييگ له‌شاره‌گه بڕين له‌ئاكام ئه‌و ته‌قينه‌وه ك له‌ناو پرسه‌يگ رويداو بويه بايس كوشتن و زه‌خمداركردن نزيكه‌ی ٣٧٧كه‌س و هه‌ر وه‌و خاتريشه خوازيار ئه‌وه بوين له لايه‌نه‌يل حكوومه حوكم له‌سێداره‌داين ده‌رهه‌ق ئه‌و ته‌مه‌تباره‌يله ئه‌نجام بيه‌ن له‌هه‌مان شوون ك ته‌قينه‌وه‌گه له‌تی ئه‌نجام درياو له‌وه ترسيه‌ن ك ئی ترۆريسته‌يليشه جوور ترۆريسته‌يل زيندانه‌يل تاجی و ئه‌بوغرێب بهه‌يوان و خوين ئی مه‌ردم بيتاوانه وه‌زای بچوود.
ج . أ
