ئاسايش نوێنه‌رايه‌تی رويداگه‌يل ئه‌نبار وه"شكه‌ست ئاسايشی" تاريف كرد
و يه‌يش ده‌رخست ك مه‌ندنه‌وه‌ی سه‌ركرده‌يل ئاسايشی له پۆسته‌يليان يه‌كيگه له ديارترين هووكاره‌يل كه‌فتنه‌وه‌ی ئه‌و رويداگه‌يله.
مزهر جه‌نابی له‌باسيگ ئه‌را(شه‌فه‌ق نيوز)وت: ئه‌وه‌ك له ئه‌نبار رويدا شكه‌ستيگ ئاسايشيه وه پشتگيری هيزه‌يل ده‌ره‌كی، ك ئامانج له‌لی ناسه‌قامگيری پاريزگای ئه‌نبار و باقی پاريزگايه‌يل تر عراقيه‌و هه‌ر له‌وه‌ر ئه‌وه‌يش ناوبرياگ خوازيار ئاڵشتكردن ئه‌و سه‌ركرده‌يل ئاسايشيه‌سه له‌وه‌ر خاتر مقه‌يه‌تيكردن له بار ئاسايش.
جی باسه، وه‌رجه دو رووژ هيزه‌يل پۆليس تايبه‌ت له شار فه‌لوجه شه‌ش خوه‌يكوش كوشتن له‌شوون ئه‌وه‌ك وه شاڵ مينڕيژكرياگه‌و چينه ناو باڵه‌خانه‌ی ده‌زگای كاره‌باو هه‌ر له‌و رووژه‌يليشه شار راوه كه‌فته وه‌ر په‌لامار خوه‌يكوشه‌يل و سه‌ياره‌يل مينڕيژكرياگ و ده‌يه‌ها كوشياگ و زه‌خمدار له‌لی كه‌فته‌و.
ج . أ
