ئاسايش كه‌ركووك "ئه‌بو حه‌مودی" وه‌رپرس جيوازكردن ئه‌ميره‌يل قاعده ده‌سگير كرد
2013-07-10T12:54:32+00:00
له به‌ياننامه‌یگ وه‌ڕيه‌وبه‌رايه‌تی ئاسايش كه‌ركووك ئه‌را (شه‌فه‌ق نيوز) ئه‌وه ده‌ركه‌فت ك دويای وه‌ده‌سهاتن زانياری و چه‌وديريكردن پڕ دقه‌تيگ، هيزه‌يل ئاسايش تويه‌نستن " أ.م " ناسرياگ وه "ئه‌بو حه‌مودی" ده‌سگير بكه‌ن ك وه‌رپرس جيوازكردن وه‌رپرس و ئه‌ميره‌يل ريكخرياگ قاعده‌و چه‌ك و ته‌قه‌مه‌نيه له‌ناونی ناوچه‌يل كه‌ركووك و دياله‌و تكريت و حه‌ويجه‌و رياز و دوزخورماتوو.
له به‌ياننامه‌گه يه‌يش ده‌ركه‌فت، ك ناوبرياگ ده‌س داشتگه له ده‌يه‌ها كاره‌يل تر تيرۆريستی و له‌ڕێ ئۆتۆمۆبيليگ بارهه‌ڵگره‌و چه‌ك و ته‌قه‌مه‌نييش جيواز كردگه ئه‌را گرووپه‌يل تيرۆريستی و يه‌كسه‌ر دگان وه كرده‌وه‌يل خوه‌ی ناگه‌و هه‌واڵه‌ی دادگا كريه‌يد.
ج . أ
