ئئتلاف نوجێفی بڕيار زاناو فه‌قيه‌يل عراق ئه‌را ره‌وايی هه‌رێمه‌يل وه‌گاميگ تاريف كرد ئه‌را مقه‌يه‌تيكردن له‌يه‌كێتی عراق
ئئتلاف موته‌حدون له به‌ياننامه‌يگی ك روينويسيگی ره‌سيه (شه‌فه‌ق نيوز) وت: زاناو فه‌قيه‌يل پايه‌يگ گرنگ و كاريگه‌ر ديرن له‌ناو كوومه‌ڵگای عراقی و ئه‌و به‌ياننامه ك له‌لايه‌ن زاناو فه‌قيه‌يل عراقيه‌و ده‌رچی له‌باوه‌ت سيستم هه‌رێمه‌يل گوزارشيگه له ديد قويل و يه‌كسانيگ.
له به‌ياننامه‌گه‌ی ئئتلاف يه‌يش ده‌ركه‌فت ك سازكردن كۆنگره‌ی زانستی ئه‌و كومه‌ڵه له‌باوه‌ت هه‌رێمه‌يل جوور جوواويگه ئه‌را هه‌وه‌جه‌يل قوناغ ئيسه‌و رێنمايه‌يليشی گرنگی فريه‌يگه وه ئه‌وه‌ك ره‌وايی سيستم هه‌رێمه‌يل په‌سه‌ن ئه‌كا.
جی باسه، كومه‌ڵه‌ی زانايه‌يل وه‌رجه رووژه‌يليگ له‌شار هه‌ولێر پايته‌خت هه‌رێم كوردستان سميناريگ ساز كرد له‌ژير ناونيشان(ره‌وايی و جيوه‌جيكردن سيستم هه‌رێمه‌يل له‌عراق) وه ئاماده‌بوين شماره‌يگ له تايبه‌تمه‌ند و شاره‌زايه‌يل له‌بوار زانستيه‌يل ئسلامی و ياساو ئابووری و سياسی، ك له‌تی روايی سيستم هه‌رێمه‌يل له‌عراق ئاشكرا كريا.
ج . أ
