25 بەش خزمەتگوزاری گرێدەو.. کوردستان ماستەر پلان نوو ئەرا هەولێر تا 2050 راگەیەنێد
شەفەق نیوز- هەولێر
وەزارەت شارەوانییەیل و گەشتوگوزار لە هەرێم کوردستان، ئمڕوو چوارشەممە، نووەوکردن نەخشەی سەرەکی (ماستەر پلان) ئەرا شار هەولێر ئەرا ماوەی ناوەین ساڵ 2025 تا 2050 راگەیان، و چاپیگ لە پڕۆژە پەسەندکریاگە وەدەس لایەنەیل پێوەنیدار رادەسکریا.
وەزیر شارەوانییەیل و گەشتوگوزار لە هەرێم ساسان عۆنی، لە وەخت رێوڕەسم پێشکەشکردن نەخشە نووەگە کە پەیامنێر ئاژانس شەفەق نیوز ئامادەی بوو، دیاریکرد گشت لایەنەیل پێوەنیدار وە تایبەتمەن شار هەولێر و پێشکەفتنی لە وەخت سازکردن نەخشەگە چگنەسە وەر چەو، و دیاریکرد، کە زیارتر لە 25 بەش جیاواز شوینەیلیان لەناو (ماستەر پلان) دیاریکریایە، وەجویریگ گشت لایەنەیل پێشکەفتن شارستانی ئەرا شارەگە تا ساڵ 2050 گرێدەو.
وتیش؛ ڕێڕەو ئەوزەڵداین نوو لایەنەیل ژینگە و ئاو و ئاوەڕۆ و پەروەردە و رێگەوبان گرێدەو، جیا لە پاراستن مێژوو شار هەولێر و ئەوزەڵداینی و پوڕاننی وەگەرد نواچگنەیل ئاینده، و دیاری کرد، ئی تایبەتمەنییەیلە لە نەخشەی سەرەکی نوو وەلایەن کۆمپانیایەیل ژاپۆنی و کۆریای باشوور زیایکریانە، و وەلایەن پسپۆڕەیل لە بەشەیل ئەندازیاری پەسەنکریاس.
