یونسکۆ دو شار كوردستانى خستە ليست شارەيل کەلتوری و داهێنەرەيلهوه
![یونسکۆ دو شار كوردستانى خستە ليست شارەيل کەلتوری و داهێنەرەيلهوه](https://media.shafaq.com/media/ra2e0t5s/slemani.jpg)
شهفهق نيوز/ وه بوونهى رووژ جههانى شارهيل، ماڵپهڕ فهرمى يونسكۆ ك ريكخرياگيگ ناودهوڵهتيهو سهر وه نهتهوهيل يهكگرتگه له بهياننامهيگ ههردو شار سلێمانى له باشوور كوردستان و سنه له رۆژههڵات كوردستان خسته ليست ئهو شارهيله ك كهلتورى و داهێنهرن، ك سلێمانى جوور شار داهێنهر ناسرياگه لهڕوێ ئهدهب و وێژهزانى و شار سنهيش لهڕوێ مۆسيقاوه.
يونسكۆ له دوايين ئامارى، 66 شار تازه لهو بواره زياى كردگه ئهرا ليست ئهو شارهيله ك كهلتورى و داهێنهرن و له ليستهگه ئهو شارهيله داناگه ك جموجويل فكرى و شارستانى لهتيان ئهنجام بدريهێد.
ئاشكراى ئهوهيش كردگه و وتگه: ئهو 66 شاره ك خريانهسه ليستهگهوه، ههر يهكيگ لهليان لهلاى خوهيهو خهريك دروسكردن كهلتورى و شارستانيين و ئهوهيش ئهرا نهوهيل ئايندهى جههان گرنگى خوى ديرێد.