پيرى له‌ناو پيكهاته‌يل كورد فه‌يلى له عراق زه‌نگ مه‌ترسى كوتێد
پيره ئه‌را(شه‌فه‌ق نيوز)وت: وه‌گووره‌ى ئه‌و ئاماره ك ئه‌نجام درياگه له‌و ناوچه‌يله له به‌غداى پايته‌خت ك كورد فه‌يلى وجوود له‌تيان ديرێد ئه‌وه ده‌ركه‌فت ك ريژه‌ى گه‌وراساڵه‌يل له ژن و پياگ ريژه‌ى فريه‌يگه.
وه گووره‌ى ئه‌و ئاماره ك ئه‌و شاره‌زا ئه‌نجامى داگه 3250 كه‌س گرته‌سه‌و له نزيكه‌ى 8820 خيزان، ك شماره‌ى پيره‌يل له‌لايان 502 كه‌س بويه‌و ئاماژه وه‌يه‌يش كرد ك ريژه‌ى پيره‌يل فريه‌س له‌ناو پيكهاته‌ى كورد فه‌يلى وه به‌راورد وه‌ل پيكهاته‌يل تر عراقى.
پيره جوور ئه‌وه‌گ له راپۆرته‌گه‌ى باس كردگه، هووكار به‌رزه‌وبوين ئه‌و ريژه‌ى پيريه وه بوونه‌ى كووچكرن جايه‌ڵ جوانه‌يليانه‌و زانێد وه‌ل نه‌وين سه‌قامگيرى بار ئاسايشى و ئابوورى و كومه‌ڵايه‌تى له عراق.
ناوبرياگ هه‌ميش وت: ئه‌و پيره‌يل ناڵنن وه‌ده‌س بار ته‌ندروسى و هه‌وه‌جه‌ى فريه‌يگ وه چه‌وديريكردن ديرن و زوورميانيش مووچه‌ى خانه‌نشينى نه‌يرن وه‌بوونه‌ى ئه‌و باره ك له‌تى ژيان له‌وه‌خت رژيم وه‌رين، يه‌يش بيجگه بار ژيان ئيسه‌ن بار خراو وڵاته‌گه.
جى باسه، پيره له كووتايى قسه‌يلى باس له‌وه‌يش كرد ك هه‌زاران له ژن و پياو گه‌وراساڵ حاڵ حازر هه‌وه‌جه وه ده‌سميه‌ته‌يل ماددى و مه‌عنه‌وى ديرن.
