پارتى هووكار هه‌ڵويست خوه‌ى له جمشت گوڕان ئه‌را ئه‌مريكا ئاشكرا كرد
2015-10-14T09:43:40+00:00
له به‌ياننامه‌ى پارت ديموكرات كوردستان ك(شه‌فه‌ق نيوز)ئاگادارى بوى ئه‌وه ده‌ركه‌فت ك هێمن هه‌ورامى وه‌رپرس په‌يوه‌نديه‌يل خارجى له پارتى له ديدارى وه‌ل ماتيس ميتمن باڵوێز گشتى ئه‌مريكى له هه‌رێم باس له ئاژاوه‌و ئه‌و ناسه‌قامگيريه كردگه ك رووژه‌يل گوزه‌يشت رويداگه له ناوچه‌يل هه‌رێم و يه‌يش ده‌رخستگه ك زه‌ره‌د ئه‌و تون وتيژيه‌يله فيشترى له شار سلێمانى بويه‌و دووان له كادره‌يل پارتى له‌تى كوشيانه‌و ده‌يه‌ها كه‌سيش زه‌خمدار بوينه.
به‌يانامه‌كه ئاماژه وه‌يه‌يش كرد ك هه‌ڵويسته‌يل ئى دوياخر پارت ديموكرات كوردستانه له‌وه‌رانوه‌ر جمشت گۆڕان وه‌بوونه ئه‌وه بويه ك ئه‌وه جمشته پابه‌ند نه‌ويه وه ريككه‌فتنه‌يل وه‌رين له‌باوه‌ت سه‌رۆكايه‌تى حكومه‌ت و په‌رله‌مان له هه‌رێم.
