يه‌كه‌م دانيشتن حكومه‌ت كوردستان له‌ڕێ ڤيديۆ كۆنفرانسه‌وه دو دوسيه تاوتوێ كرد
شه‌فه‌ق نيوز/ مه‌سرور بارزانى سه‌رۆك حكومه‌ت هه‌رێم كوردستان، سه‌رپه‌رشى يه‌كه‌م دانيشتن له‌ڕێ ڤيديۆ كۆنفرانسه‌وه ئه‌را وه‌زيره‌يل حكومه‌ته‌گه‌ى كرد له‌وه تاوتويكردن دو دوسيه.
له‌ى باوه‌ته‌و، سه‌رۆكايه‌تى حكومه‌ت هه‌رێم كوردستان له به‌ياننامه‌يگ ئه‌را شه‌فه‌ق نيوز وت: بارزانى له‌ڕێ ڤيديۆ كۆنفرانسه‌وه سه‌رپه‌رشى دانيشتنيگ تايبه‌ت وه مه‌زه‌نه‌كردن بارودوخ ئابوورى و جيوه‌جيكردن رێ وشوونه‌يل روێ وه‌ڕوێ بوينه‌وه‌ى ڤايرۆس كۆرۆنا كردگه.
به‌ياننامه‌گه يه‌يش ده‌رخست ئه‌و دانيشتنه ك وه‌به‌شدارى قوباد تاڵه‌بانى جيگر سه‌رۆك حكومه‌ت و شماره‌يگ له وه‌زيره‌يل په‌يوه‌نديدار ئه‌نجام درياگه، له‌تى گفگتوو له‌باره‌ى دوايين رويداگه‌يل له بارودوخ ته‌ندروستى و پلانه‌يل حكومى كرياگه ئه‌را روێ وه‌ڕوێ بوينه‌وه‌ى ڤايرۆس كۆرۆنا و كاريگه‌ريه‌يلى له‌بان ئابوورى هه‌رێم كوردستان و داوه‌زين نرخ نه‌فت له بازاڕه‌يل جه‌هانى.
