گوڵەی ویڵیگ چوودە ناو چادر ئاوارەیگ لە هەرێم کوردستان دەسوەجی کوشێدەێ
2023-12-02T11:55:11+00:00
شەفەق نیوز/ سەرچەوەیگ ئەمنی، ئمڕوو شەممە، خەوەردا لە کوشیان ئاوارەیگ لە یەکیگ لەکەمپەیل ئاوارەیلە لە هەرێم کوردستان، لە ئەنجام زەخمداریبوینی وە گولەی ویڵ.
سەرچەوەگە وە ئاژانس شەفەق نیوز خەوەردا، " قوربانیەگە تەمەنی 54 ساڵە، دانشتگ کامپ (جم مشکۆ)ی ئاوارەیلە لە باکوور زاخۆ، مردیە وە مدوو زەخمداری بوینی وە گولە مەوقەی دانشتنی لەژیر چادر.
سەرچەوەگە وتیش، " قوربانیەگە خەڵک کمەڵگەی بۆرک لە قەزای شەنگالە، تەرمەگەی ئەرا پزیشک دادوەری زاخۆ کلکریاس، لێکۆڵینەوە وەردەوامە ئەرا ئاشکەراکردن هویردەکاری رویداوەگە".
