وینە.. وەبەشداریکردن ٨٠٠ سەرکردە و ئەندام دەسکردن وە ١٤هەمین کۆنگرەی پارتی
شەفەق نیوز/ ئمڕوو پەنجشەممە، کۆنگرەی چواردەهەمین پارت دیموکراتی کوردستان لە شار دهۆک دەسوەپی کرد، ئەوەیش وە ئامادەبوین سەرۆک پارت دیموکراتی کوردستان مەسعود بارزانی، وجیگر سەرۆک حزبەگە نێچیروان بارزانی، و ٨٠٠ ئەندام کۆنگرە لە سەرکردە و ئەندامەیل پارتی.
کۆنگرەگە لەژیر دروشم (نووەکردن، دادپەروەری، وەیەکەوژیان) سازیەێد، ک پارتی دیموکراتی کوردستان لەی کۆنگرە لە دهۆک ئەو دروشمە وەخاتر نواگردن سەختیەیل ئیسە لەبان ناوچەگە وەگشتی ئی دروشمە بەرز کردیە.
وەرجەیە، پارتی هەڵوژاردن مەندوبەیل کۆنگرەگە لە مانگ ئاب گوزەشتە ئەنجام دا، وە ئامادەبوین ٦٠٠ هەزار ئەندام لە حزبەگە، ک دەنگ وە ٨٠٠ ئەندام کۆنگرە دان، ک کۆنگرەگە ئەرا سێ رووژ وەردەوامە، لەناوی سیستەم ناوخوەیی و بەرنامەی حزبەگە ئەرا گامەیل بانان وەگەرد پەسەندکردن سەرۆک نوویگ ئەرا حزبەگە، و ئەنجومەن سەرکردایەتی نوویگ پەسەن کەێد.
