وینە.. وازکردن دەروازەی پەرستگای لالش لە دهۆک

شەفەق نیوز/ وە بوونەی جەژن جما لەلای ئێزدیەیل، ئمڕوو پەنجشەممە، رسوومەیل وازکردن دەروازەی پەرستگای لالش لەلایەن عەلی تەتەر پارێزگار دهۆک و حازم تەحسین بەگ شازادەی ئێزدیەیل واز کریا.

لە رسوومەیل وازکردنەگە، پارێزگار دهۆک پیرۆزبایی لە ئێزدیەیل جەهان وەی جەژنە کرد.

تەتەر لە وتاریگ وەی بوونە وت: ئی دەروازە بەشیگە لەو بڕەیل چالاکیە ک ئەرا ئێزدیەیل لە پارێزگای دهۆک پیشکەش کریەێد.

وتیش: ئەوەسا کارکەن تا پەرستگای لالش بنریەێدە لیست ئاسەواری لە بەرنامەی شوینەیل ئاسەواری جەهانی لەلای یۆنسکۆ.

ئێزدیەیل عراق وجەهان، وە رسوومەیل حەج ئێزدی ک وە جەژن "جمایا شێخادی" ناسریاگە ئاهەنگ کەن، ک تا ماوەی هەفت رووژ لە پەرستگای پرووز لالش وەڕەو چوود.