وێنە...ژنیگ ئاگر وەردەێد لە دۊت شۊیەگەی لە هەولێر

شەفەق نیوز/ وەڕێەوبەرایەتی پۆلیس پارێزگای هەولێر پایتەخت هەرێم کوردستان، ئمڕوو چوارشەممە، راگەیان ک ژنیگ هەڵسیایە وە ئاگر وەردان لەش دۊت شۊیەگەی، لە ناوچەیگ لە دەشت هەولێر. 

پۆلیس لە بەیاننامیگ رەسیە ئاژانس شەفەق باسکرد،  بەش پۆلیس هەولێر ناوەند پۆلیس کەسنەزان ئاگادار کریان لە رۊداو سزیانیگ، لە دۊای رەسین هێزەیل پۆلیس ئەرا شۊن رۊداوەگە ئسفاکردن دۊت گەنجیگ 17 ساڵان وە ناو (رەیان مەحمود جەمیل) وەدەس باوەژنیەو سزیایە. 

لە بەیاننامەگە وتیش؛ لە دۊای وەرگردن گوفتار لە قوربانیەگە دەرچگە وەلایەن باوەژنەگەی سزنریاگە وڕێژەی سزیان لە لەش دۊتەگە رەسیە 80 لە سەد. 

پۆلیس لە بەیاننامەگە وتیش، لە دۊای وە دۊاچگن دۊزیگ توەنستنە ژنە تاوانبارەگە دەسگیر بکەن وە ناو (م، ح، ح)، و پەرەی لێکۆڵینەوە ئەرای وازکریاگە وەپای ماددەی (408) لە یاسای سزادان، دیاریکرد وەپای ئەو ماددە دەسگیر کریاگە. 

وەگورەی زانیارەیل دەسکەفتیە دۊتە گیان لە دەسدایە وە مدووی زەخمداریر سەختەگەی.