وینە.. ناڕەزایی لەوەردەم بنکەی نەتەوە یەکگرتگەیل لە هەولێر لەبان گورزەیل ئیران
2022-10-01T08:33:17+00:00
شەفەق نیوز/ لە شار هەولێر پایتەخت هەرێم کوردستان، شەوەکی ئمڕوو شەممە، خوەینشاندان ناڕەزایی لەلایەن بڕیگ لە چالاکوانەیل شارستانی و ژنەیل لەوەردەم بنکەی نەتەوە یەکگرتگەیل کریا، لە ناڕەزایی لەبان گورزەیل دووارەوبوی ئیران لەبان ناوچەیل سنووری هەرێم کوردستان.
خانمە چالاکوان ژنانە بەهار عەزیز ئەرا ئاژانس شەفەق نیوز وت: ئمڕوو گردەو بویننە ئەرا شەرمەزارکردن گورزەیل وەردەوام ئیران لەبان زەویەیلیگ لە کوردستان و بمباران هاووڵاتییەیل بیگوناه، ک بویە هووکار شەهیدبوین شمارەیگ لەلیان.
چالاکوان کورد ئیرانی کاردو کەریمی ئەرا ئاژانس شەفەق نیوز ئویشێد: ئی ناڕەزاییە وەخاتر رەسانن پەیامیگ ئەرا نەتەوە یەکگرتگەیل و کۆمەڵگای ناودەوڵەتی هات تا دەس بیەنەوەر و ستەم ئیران لەبان گەل کورد لەورا بوسنن، و ئەو ئۆپراسیۆنەیل سەربازیە لەبان هەرێم کوردستان بووسنن.
کۆمەڵەی چەپەیل لە هەرێم کوردستان خوەینشاندانەگە رێک خست، ک داوای وسانن ئۆپراسیۆنەیل سەربازی ئیرانی لەبان ناوچەیل سنووری کرد، وە گەرد کۆتایی هاوردن وەو ستەم و دەسدرویژیە لەلاین رژیم ئیران لەبان خوەینشاندەرەیل ناو ئیران.
