وێنە.. ٦٦ کۆمپانیا لە پێشەنگای بەرهەمە ناوخۆیەکان لە سلێمانی بەشداری کەن
2021-03-26T14:11:25+00:00
شەفەق نیوز/ ئمڕوو جمعە، لە پارێزگای سلێمانی لە هەرێم کوردستان، پێشەنگای بەرهەمە ناوخۆیەکان واز کریا، زیاتر لە ٦٦ کۆمپانیا و کارەگای ناوخۆیی لەناوی بەشدار بوی، لە گامیگ ئەرا هاندان بەرهەم ناوخۆیی.
پێشەنگاگە لە هۆڵ کارەگای جگارەگە سازیا، و چینەیلیگ جووراجور لە خواردەمەنی و ئیکسیسواڕ و ئەنتیکە و چشتەیل جوانکاری لەناوی بوی.
ساکار حەمە ئەمین یەکیگ لە وەرپرسەیل پێشەنگاگە ئەرا ئاژانس شەفەق نیوز وت: پێشەنگاگە وەناونشان (پشتگیریکردن بەرهەمە ناوخۆیەکان) سازیا، وتیش؛ ئیمە کۆمەڵەیگ لە گرووپیگ ٩ کەسییمن، ئەیە دوویەم پێشەنگاس ئەرا پشتگیریکردن بەرهەمە ناوخۆیەکان واز بکەیمن، و ئەرا هاندان پڕۆژە بویچکەکان ئەرا گەنجەیل.
وتیش؛ چالاکی و کارەیل پێشەنگاگە ئەرا پەنج رووژ وەردەوام بوود.
