وێنە.. مردن سێ کەس و زەخمداربوین کەسەیلیگ تر لە رووداو دڵتەزنیگ لە ناوچەیگ کوردستانی

شەفەق نیوز/ وەڕێۆبەرایەتی پۆلیس هاتووچو ئیدارەی گەرمیان لە هەرێم کوردستان، ئمڕوو جمعە، خەوەردا لە مردن و زەخمداربوین پەنج کەس لە رووداو لەیەکداینیگ لەناوبەین سێ ماشین.

وەڕێۆبەرایەتیەگە لە بەیاننامەیگ ئمڕوو وت: رووداوەگە لەڕی کەلار- خانەقین بوی لەوەر لەیەکداین سێ ماشین یەکیگیان مارکەی لاندگڕۆز بوی وەگەرد دوو ماشین بار، ک بویە هووکار مردن سێ کەس و زەخمداربوین دووان.

وەکوتپڕ تیمیگ لە پۆلیس هاتووچو گەرمیان روی کردە شوون رووداوەگە و لێکۆڵینەوەیگ ئەرا ئاشکراکردن ووردەکاریەیل رووداوەگە کردنەو و هەمیش دوو زەخمدارەگە ئەرا خەسەخانەی شەهید هەژار لە قەزای کەلار بردن.