وینە.. فیستیڤاڵ گوڵ نێرگز لە دهۆک
شەفەق نیوز/ پارێزگاری دهۆک لە هەرێم کوردستان، ئمڕوو چوارشەممە، دەسکردە فیستیڤاڵ "گوڵ نێرگز" ئەرا سێیەم جار، دۊای دوو ساڵ لە وسیانی لەوەر پەتای کۆڕۆنا، وەبەشداریکردن زیاتر لە ٥٠ مەلیۆن گوڵ.
مەشهود ئەمین وەرپرس فیستیڤاڵەگە ئەرا ئاژانس شەفەق نیوز وت: فیستیڤاڵ گوڵ نێرگز، ئمڕوو لە ناوچەی بابلۆ باکوور دهۆک دەسوەپی کرد، و یە سێیەم جارە ئی فیستیڤاڵە بسازیەێد، دۊای دوو ساڵ لە وسیانی لەوەر پەتای کۆڕۆنا.
ئەمین وتیش: فیستیڤاڵ ئمشاڵ نمایشکردن زیاتر لە ٥٠ مەلیۆن گوڵ نێرگز لە چینەیل جۊراجوری لە هەرێم کوردستان وەخوەی دی، وەگەرد نمایشکردن گوڵەیل نێرگز لە چینەیل بیانی، و دیاری کرد ک ئامانج ئی پڕۆژە وەخاتر قانجازی نییە، باوجی ئەرا هەمەڕەنگی گوڵەیلەس و دروسکردن رەنگینییگ زیاتر ئەر سرووشت ناوچەگە.
ئی فیستیڤاڵە سێیەمە، دۊای ئەوە ک لە ساڵەیل ٢٠١٨ و ١٠١٩ نمایش کریا، و فیستیڤاڵەگە لەوەر دەرکەفتن پەتای ڤایرۆس کۆرۆنا لە ساڵەیل ٢٠٢٠ و ٢٠٢١ وسیا، تا ئمساڵ جاریگتر گلەو بخوەێد.
