وێنە.. فیستیڤاڵ پاییز لە سلێمانی
2021-09-29T09:04:56+00:00
شەفەق نیوز/ ئمڕوو چوارشەممە، لە پارێزگای سلێمانی، فیستیڤاڵ پاییز ئەرا پاڵپشتیکردن بەرهەم ناوخۆیی وە بەشداریکردن بڕ فرەیگ لە کشاورزەیل پارێزگاگە، دەس وەپیکرد.
پێشنگاگە لە کارەگای جگارەی سلێمانی دامەزریا، وەگورەی پەیامنێر ئاژانس شەفەق نيوز.
پەیامنێرمان لە زوان ساکار محمد سەرپەرشتیار فیستیڤاڵەگە وت: شەوەکی ئمڕوو، وە ئامادەبۊن بڕیگ لە خەڵکەگە و کەسەیل پەیوەندیدار، دەسکریا فیستیڤاڵەگە، و تا ماوەی پەنج رووژ وەردەوام بوود.
وتیش؛ ئی ڤیستیڤاڵە ئەرا ئەوەس ک بەرهەمەیل ناوخۆیی بخریەێدە وەرچەو، وەخاتر پاڵپشتیکردن بەرهەم ناوخۆیی، وە بەشداریکردن شمارەیگ لە کشاورزەیل.
کامیرای ئاژانس شەفەق نیوز، کرتەیلیگ لەناو فیستیڤاڵەگە توومار کرد وەیجۊرە:
