وینە.. شکیان یەکیگ لە لویلەیل ئاو سەرکی لە هەولێر
![وینە.. شکیان یەکیگ لە لویلەیل ئاو سەرکی لە هەولێر](https://media.shafaq.com/media/arcella/1677062389776.jpg)
2023-02-22T10:40:02+00:00
شەفەق نیوز/ لویلەی ئاو پڕۆژەی ئیفراز سێیەم لە شار هەولێر پایتەخت هەرێم کوردستان، شەوەکی ئمڕوو چوارشەممە، وە هوکارەیل نادیاریگ شکیا.
پەیامنێر ئاژانس شەفەق نیوز وت: شکیانەگە نزیک پەرلەمان کوردستان لەبان جادەی 60 مەتری بوی.
یەکیگ لە ئەندامەیل تیم خاسەوکردن لە وەڕیەوبەرایەتی ئاو هەولێر وت: کار لە خاسەوکردن شکیان لویلەگە کەیمن، ئەرا گلەوداین ئاو نووشین لەو ناوچە و کەڕەکەیلە ک لەی لویلە ئاو وەپیان رەسێد.
دیاری کرد ک ئی لویلە ئاو ئەرا کەڕەکەیل کوردستان و شادی و بڕیگ ناوچەی دەورگردی رەسنێد.