وێنە.. سیف کوردستانی ئەوزەڵ کەێد
شەفەق نيوز/ ئاوایەیل سنووری دهۆک لە هەرێم کوردستان، ئمڕوو چوارشەممە، گورجییگ ئابووری وەرچەویگ وەخوەی دی، وەگەرد وەرز سیف چنین، ک ئەو ناوچەیلە ناودارن وەپی. سەربەست سەبری وەڕیەوبەر ناحیەی کانی ماسی سەروە قەزای عمادیە ئەرا ئاژانس شەفەق نیوز وت: جوولەی فرووشتن بەرهەمەیل کشتوکاڵی ناوچەگە، ئمساڵ خاسەوبۊن گەورەیگ وەخوەی دی، وەگەرد وازکردن ری فرووشتن سیف وەرەو باشوور عراق.
وتیش: ناوچەگە وە سیف و گرتەکان و ئەنار وەناوبانگە، و وەرز چنینیان لە ئاوایە سنووریەیلە دەسوەپی کرد.
سەبری دیاری کرد ک نرخ یەک سەندووق سیف پارەکە وە پەنج هەزار دینار بۊی، باوجی ئمساڵ رەسیە ١٢ هەزار دینار، و یەیشە نشانەی نوویگە ئەرا پاڵپشتیکردن کشتوکاڵی ناوچەگە.
لەلای خوەییش ئەمجەد کفرکی وەڕێوبەر باخەوانی پارێزگای دهۆک ئەرا ئاژانس شەفەق نیوز وت: سیف ناوچەی برواری باڵای سنووری وە تام خوەش و چین ساسی ناسریاگە لەوەر گونجیان کەشوهەواگە ئەرا دروسکردن تۊیەمەگەی.
وتیش: لە ساڵەیل گوزەیشتە بەرهەم تۊیمەگە وەشیوەی گەورەیگ داوەزیا، ئەوەیش لەوەر جەنگنناوچەیل سنووری و وازهاوردن کشاوەزەیلە لە باخەیلیان.
