وینە... زەخمداری وە رمیان دوکانیگ و رویداو هاتوچو لە هەولێر
2022-11-25T14:24:56+00:00
شەفەق نیوز/ قسەکەر وەڕێەۆبەرایەتی هاتوچو پارێزگای هەولێر موقەدەم فازل حاجی، ئمڕوو جومعە، خەوەردا لە زەخمداری چوار کەس وە رمیان دوکان بویچگیگ وە هووکار لەیەکداین دوو ماشین لەبان ری سەرەکی هەولێر- مەخموور.
موقەدەم حاجی لە بەیاننامەیگ وت بارهەڵگر گەپیگ خوەی کیشایەس وە دویای بارهەڵگر بویچگیگ ک لە نوایەو چگە لە لەبان ری ناوبریاگ وە هووکار کۆنترۆل لە دەسداین و ەرچگن لە ری و دایەس لە دوکان بویچگیگ ک 20م لە جادەگەو دویرە.
وتیش دوکانەگە رمیاس وەبان خاوەنەگەی و سێ کەستریش، دوو ماتۆرسکیلیش ک لە وەردەم دوکانەگە بویە ئەوانەیش شکانیە،دیاریکرد رویداوەگە بویەسە هووکار زەخمداری چوار کەس و وەشیوەی گشتی زەرەد مادی فرەگ رەسانیە.
