وینە... دەسکردن وە هەڵمەت گردن ماتۆرسکڵ لە سلێمانی
شەفەق نیوز/ وەڕێەوبەرایەتی هاتوچوی پارێزگای سلێمانی، ئمڕوو چوارشەممە، راگەیان دەسکردنە وە هەڵمەت گردن ماتۆرسکڵەیل بی مۆڵەت لە پارێزگاگە.
وەڕێەوبەرایەتیەگە لە بەیاننامیگ رەسیە ئاژانس شەفەق نیوز وت، دەسەیگ دروسکریایە وەلایەن وەڕێەوبەرایەتی هاتوچو و ئاسایش و پۆلیس ئەرا هەڵمەت کۆنترۆڵکردن ئەو ماتۆرسکڵەیلە شمارەی هاتوچو نەیرن و خانەوەگەی مۆڵەت هاتوچو نەیرێد.
لە بەیاننامەگە وتیش، فرە لە هاوڵاتیەیل گلەیی کەن لەو کارەیل زیاچییە ک رانندەیل ماتۆرسکڵەیلە ئەنجامی دەن، چۊنکە رەفتار بڕیگیان بوودە مدووی رۊدان رۊداوەیل فرەیگ، مردن خاوەن ماتۆرسکیل و وەکارهاوەرەیل ریەگە وتیش، پێشبرکەیل نایاسایی ک گەنجەیلە بەشداری لەلی کەن ک خاوەن مۆڵەت ماتۆرسکڵ رانیین نین، وەگەرد خوەی دەرخستن وە جۊلەیلیان وە ماتۆرسکڵ لە جادە قەڵەباڵغەیل.
وەڕێەوبەرایەتیەگە لە بەیاننامەگە، داوا لە داڵگ و باوگەیل کرد چەودێری زاروویەیلیان بکەن وەتایبەت لە وەخت پشوو، فرەی ئەو مردنەیلە لەناو پاسکیلسوارەیل رۊدایە کە پابەن نەۊنە وە وەکاراوردن کڵاو و چەودێری سەلامەتی.
