وینە.. دژەتیرۆر کوردستان دەسنەێدە بان زیاتر لە ١٢٠٠ چەک لەلای قاچاخچیەگان

شەفەق نیوز/ دامەزراو دژەتیرۆر لە هەرێم کوردستان، ئمڕوو جمعە، راگەیان دەسنەاین وەبان سەدان چەک دەوانچەی تورکی لەلای دوو قاچاخچی لە پارێزگای هەولێر.
دامەزراوەگە لە بەیاننامەیگ ئمڕوو وت: وەڕێوبەرایەتی ئاسیایش هەولێر لە رووژ ٢٠٢٠/٩/١٤ دوو کەس وەتوومەت قاچاخ دەسگیرکرد.
بەیاننامەگە وتیش: یەکەم توومەتبار ناوی ( موستەفا سەعید محمد حمە ئەمین) ناسریاگە وە حاج هروتی لە خەڵک شار هەولێرە گەڕەگ هەولێر نوێ، وئاماژەکرد لە دەسگیرکردنی لەماڵەگەی ودەسنابان ١٢٥٠ دەوانچەی تورکی قاچاخی.
بەیاننامەگە هەمیش وت؛ دوویەم توومەتبار ناوی ( سەڵاح بەهرام زاهر حەسەن) لە خەڵک هەولێر گەڕەگ گۆڕان لە ری مەخمور، پێشمەرگەی خانەنشینە، ولەماڵەگەی دەسگیرکریا ودەسنریا بان ١٠ دەوانچەی تورکی قاچاخی.