وینە.. خاکسپاردن تەرم قوربانیەیل تەقینەوەی سلێمانی

شەفەق نیوز/ سەدان لە خەڵک سلێمانی، بەشداری لە ماڵئاواییکردن قوربانیەیل تەقینەوەگەی دویەکە کردن، وە رسوومەیل گەپیگ، شەوەکی ئمڕوو، لە پارێزگاگە، وە ئامادوبوین فەرمی و جەماوەری.

تەقینەوەی سیستەم گاز لەناو ماڵیگ لە ناوچەی کازیوە لە سلێمانی، دویەکە جمعە، بویە هووکار کوشیان ١٥ کەس.

پەیامنێر ئاژانس شەفەق نيوز لە سلێمانی وت: سەدان لە هاووڵاتیەیل ئەرا نماز مردگ لە مزگەفت حاجی عوسمان سیرە بەشداری کردن، وە ئامادوبوین هەڤاڵ ئەبوبەکر پارێزگار سلێمانی، و وەزیر پەروەردە لە حکومەت هەرێم کوردستان، و نوینەر سەرۆک حکومەت.

وتیش: تەرم ١٤ کوشیای لە تەقینەوەگەی سلێمانی لە قەورسان گوڵکەن لە سلێمانی نریانە خاک، و تەرم یەکیگ لە قوربانیەیل ئەرا ئیران کلکریا، چوینکە خەڵک کوردستان ئیرانە.