وینەی تیکەڵیگ وەگەرد ئەورەیل.. کویەیل کوردستان وە وەفر پووشیەن.. وینە
شەفەق نیوز/ لە سیمای سامداریگ، کویەیل هەرێم کوردستان وە وەفر پووشیان، کە وینەی چەرمیگیگ تا چەو نووڕێد دروس کردنە، تیکەڵە وەگەرد ئەورەیل چواردەور تک کویەیل.
لە کەژ کویەی گۆیژە لە سلێمانی، و شێلادزێ لە دهۆک، و کویەی کۆڕەک لە هەولێر، شارەیل هەکاتی ئایکۆنیگ بویچگ لە روی ئەو رەنگ چەرمگڵ دیار دەن، کە وەگەرد سروشتا تیکەڵا بوی، و بەشیگ لە دار و درەختەیل سەریان دەرچگ.
هەمیشە وەفر لە ناوچەیل هەرێم کوردستان لە کانوون یەکەم و کانوون دویەم و شوبات وارێد، و جاروبار تا ماوەی درویژیگ لەبان بەشیگ لە کویەیلە کەڵەکە بوود، کە وەفروارین لە هەرێم کوردستان، گەشتیارەیل وەشیوەی گەورەیگ کیشێد، کە بوودە وەرز گەشتیاری زمسانی، شانوەشان گەشتیاری تاوسانی، و سەدان کەس وەخاتر وەفر، سەردان ئەو کویەیلە کەن.
کەشناسی و زەویلەرزەناسی لە هەرێم کوردستان، مەزەنە کرد وەفروارین لەی رووژەیل بانانە وەردەوام بوود، وەتایبەت لەبان کویەیلە و ناوچەیل سنووری، و باس داوەزیان پلەی گەرمی کردن.
یەکیگ لە گەشتیارەیل کە ئەرا کویەی کۆڕەک هاتگە لە هەولێر، ئەرا ئاژانس شەفەق نیوز وت: لە هەفتەی گوزەشتە شوینەگە سەرد بوی، و سیمای وەفرەگە فرە رەنگینە، کە هیشت بایمنە سەردان کویەی کۆڕەک و سواربوین تلفریک و خوەشیکردن وەو سروشت رەنگینە کە وەفر پووشێدەی.
