وینە... ئاگر گەپیگ لە سلێمانی سەدان دۆنم لە رووبەر سروشتی لەناو دەێد
2023-08-06T08:16:19+00:00
شەفەق نیوز/ وەڕیەوبەرایەتی پۆلیس دارسان و ژینگە لە پارێزگای سلێمانی، ئمڕوو یەکشەممە، خەوردا لە هیزگردن ئاگریگ ک سەدان دۆنم لە پویش و پاوان و دارەیل سروشتی سزانیە لە قەزای " قەرەداغ".
وەڕیەوبەرایەتیەگە ئمڕوو لە بەیاننامەیگ راەگەیان، ئاگرەگە لە سنوور ( زەێد عومەر، داری زاین) سەر وە قەزاگە هیزگردیە، لەئەنجام نزیکەی 300 دۆنم لە پویش و پاوان دارەیل سروشتی سزیانە.
لە بەیانامەگە وتیش، مەفرەزەیگ لە بەش پۆلیس دارسان " قەرەداغ" زوی رەسیە ئەرا شوین رویداوەگە و توەنستنە لەماوەی سێ ساعەت بەجەر ئاگەرەگە بکەن وە دەسمیەتی هاوڵاتیەیل.
وەپای بیاننامەگە، هووکار ئاگرەگە تا ئیسە نەزانریاگە، دیاریکرد پەرەی لێکۆڵینەوە رێکخریایە ئەرا تەواوکردن رێکارەیل یاسایی رویداوەگە.
