وێنە.. ئاژاوە و چشت شکانن لە وەردەم پەروەردەی سلێمانی
2021-04-21T09:42:13+00:00
شەفەق نیوز/ دەیان لە خوەنەوارەیل قۆناغ ناوەندی، ئمڕوو چوارشەممە، لە وەردەم وەڕێۆبەرایەتی پەروەردەی سلێمانی، لەوەر وەردەوامی بەسانن مەکتەوەیل، ناڕەزایەادتی نشان دان.
خوەنەوارە ناڕەزایل داوای دووارە وازکردن مەکتەوەیل کردن، و کۆتایی وە خوەنستن ئۆنڵاین، و وتن؛ بەسانن مەکتەوەیل زەرەد وە خوەنەوارییان رەسان، وەگورەی پەیامنێر ئاژانس شەفەق نیوز.
کارەیلیگ ئاژاوە وەگەرد ناڕەزاییەگە بوی، ک خوەنەوارەیل دەسکردنە شکانن شوین درەختەیل و شیشەی دەرەیل بینای پەروەردەگە شکانن.
هێزەیل پۆلیس، دویای ئاژاوەکان رەسینە شوین ناڕەزاییەگە و خوەنەوارەیل لە بیناگە دویرەو خستن.
