وێنە.. یادکردن راپەڕین ١٢ی ئادار لە ناوچەیل ئیدارەی سەروەخوەیی
شەفەق نیوز/ دامەزراو خیزانەیل شەهیدان لە ئیدارەی سەروەخوەیی لە باکوور و خوەرهەڵات سوریا، ئمڕوو جمعە، وساننیگ سومبلی ئەرا رێزگردن لە قوربانیەیل راپەڕین ١٢ی ئادار ٢٠٠٤ لە ساڵ دێریک رێک خستن.
سەدان لە مەدەنیەکان لە مەیدان ئازادی لەدێربک گردەو بوین و ئیجا روی کردنە قەورسان شارەگە و چەبکە گوڵ دانانە بان مەزار دوو قوربانی وەلید و حسێن.
لەلای خوەییش ئەنجومەن نیشتمانی کوردی هەمیش وساننیک لە رێزگردن ئەرا قوربانییەیل راپەڕین ١٢ی ئادار رێک خست.
و لایەنگرەیلی لە وەردەم نووسینگەی پارت دیموکرات کوردستان- سوریا PDKS لە دیرێک گردەو بوین، و ٥ خولەک ئەرا رێزگردن ساڵیاد قوربانیەیل راپەڕین ١٢ی ئادار کردن، ئیجا روی کردن وەرەو مەزارەیل قوربانیەکان، و چەبکەیل گوڵ لەبانیان دانان.
لەلای خوەییش، جەنیڕال مەزڵوم عەبدی فەرماندەی گشتی هێزەیل قەسەدە پۆستیگ دەربارەی راپەڕین ١٢ی ئادار لەبان ماڵپەر تویتەر نووسان.
وت: راپەڕین ١٢ی ئادار ٢٠٠٤ دژوە ستەم رژیم بەعس، خوەی یەکەم بەڵاچەگە بوی ک شۆڕش ١٩ی تەمووز ٢٠١٢ لە رۆژاڤا رووشن مرد، قوربانیەیل شەهەیدەیل راپەڕینەگە ئەمڕو بەرهەم ئیدارەیگ خوەیەتی دیموکراتییگ کەێد، باوەش کەێدە گشت خەڵک باکوور و مقەیەتییان کەێد و وەرەو ری ئازادی و سەروەری بەێدەیان.
