وە فەرمی.. راگەیانن دامەزریان رەوت نیشتمانی کورد فەیلی لە عراق
شەفەق نیوز/ لە بەغدای پایتەخت، ئمڕوو شەممە، وە فەرمی دامەزریان رەوت نیشتمانی کورد فەیلی راگەینریا، کە کەسایەتیەیلیگ سیاسی و ئەکادیمی و کۆمەڵایەتی لەی چینە گردەو کەێد.
دادوەر مونیر حەداد سەرۆک سەرۆک رەوتەگە لە کۆنگرەیگ رووژنامەوانی وە ئامادەبوین پەیامنێر ئاژانس شەفەق نیوز وت: لە بنەمای ئەنجامدان گردەوبوین کەسایەتیەیلیگ کورد فەیلی، دامەزریان رەوت نیشتمانی کورد فەیلی راگەینیمن، جویر ریخریاییگ سیاسی خوازێد وتار و بڕیار سیاسی فەیلی بکەێدە یەکیگ، و ئازادی بکەێد لە کاریگەرییەیل و زوورەیل، و کۆتاییهاوردن بەشبەشەکی و ململانێی، و پاکەوکردن کەشوهەوای سیاسی.
وتیش: ئی رەوتە خوازێد رەوشەیل ناو ماڵ کورد فەیلی خاسەو بکەێد، و وەشیوەی راستەقینە لە بەرژەوەنی سیاسی و ئابووری و کۆمەڵایەتی و چەسپیاگەیل سیاسی یاسایی بایدە دەنگ، ئەرا وەجیهاوردن نووڕین و ئامانجەیل بانانیان لە ژیان ئازاد و سەربەرز، و مسۆگەرکردن نوێنەرایەتی و رەول گورجیان لە کاروبار سیاسی عراقی، و ڕێزگردن لە فراکسیۆن دەنگیان و زەمینەی جەماوەرییان.
لە ئامانجەیل رەوتەگە، وەگورەی قسەی حەداد، دروسکردن چوارچیوەی رێکوپێک و هەماهەنگی هاوبەش و کەشوهەوای دانوسەنین ناوەین گشت لایەنەیل هونەری لەناو کۆمەڵگای عراق، و قایمکردن سیاسی فەیلی، و بەشداریکردنی لە هەکاهەنگی نیشتمانی، و دروسکردن بڕیار سیاسی عراقی، و نوێنەرانی راستەقینەی، و ناپەراویزی لە دامودەزگایل دەستووری و دەسەڵاتەیل گشتی لە دەوڵەت، ئەوەیش وە پاڵپشتیکردن حکومەت فیدراڵی و حکومەت هەرێم کوردستان و حزبەیل کاریگەر لە کاروبار سیاسی.
سەرۆک رەوتەگە وتیش؛ رەوتەگە خوازێد وەشیوەیگ راسیانە باوەت فەیلی لەڕی دادگای تاوانی ناودەوڵەتی بکەێدە کاریگ ناودەوڵەتی، و دەرکردن بڕیاریگ ناودەوڵەتی و نەتەوەیی لەی باوەتە، و لە بوون و ریخریاگەیل و کۆنگرەیل ناودەوڵەتی بخریەێدە وەردەس، و ناسانن ستەم ریخریاگ و کوشتارەیل و کوشتن و بڕین وەبان فەیلیەیل ئەرا رای گشتی، و دراوردن دانوەپیناین ناودەوڵەتی کە ئەو تاوانەیلە وە جینۆساید بیریەنە قەڵەم.
