وەفر و واران وارین ناوچەیلیگ لە هەرێم گرێدەو

دەسەگە لە بەیاننامەیگ رەسیە ئاژانس شەفەق نیوز راگەیان، "ئمڕوو ئاسمان نیمەئەورە تا ئەور تەواویگ، وەرد نمە واران  لە دهۆک و ناوچە کویەیلە، لە وەختەیل  شەو نمە وارانەگە درویژەوبوود ئەرا  سەنتەر شارەیل و ناوچە جیاوازەیل هەرێم، پلەی گەرمی وە 1 تا 3 پلە داوەزین وە خوەی دوینێد".

ئاشکەرایکرد، سوو چوارشەممە،  "ئاسمان ئەور تەواویگە وەرد واران وارین لە گشت ناوچەیل هرێم، لە ئیوارە کاریگەری وارانوارین زیایەوبوود وە تایبەت لە ناوچە کویەیلەی دهۆک و پارێزگای سلێمانی و ناوچەیل کویەیلی وەرد بەشیگ لە ناوچەی گەرمیان، هەمیش وەرد وەفر وارین لە لەناوچە کویەیل بەرز و سنووری و پلەی گەرمی 2 تا 3 پلە داوەزین وە خوەی دوینێد".

بەرزترین پلی گەرمی شار و ناوچەیل هەرێم کوردستان:

هەولێر     :  18 پلەى سیلیزى

سلێمانی   : 16 پلەى سیلیزى

دهۆک      : 16  پلەى سیلیزى

کەرکووک   : 20 پلەى سیلیزى

هەڵەبجە   : 14 پلەى سیلیزى

 زاخۆ    :   17 پلەى سیلیزى

گەرمیان  : 21 پلەى سیلیزى

حاج ئۆمەران: 7 پلەى سیلیزى

 سۆران  : 11  پلەى سیلیزى.