وەفر و واران لە هەرێم کوردستان وەردەوام بوود
2024-02-03T07:53:32+00:00
شەفەق نیوز/ دەسەی کەشناسی و زەویلەرزەناسی هەرێم کوردستان، ئمڕوو شەمە، مەزەنەیل کەشوهەوای هەرێم کوردستان بڵاوکرد.
دەسەگە لە بەیاننامەیگ رەسیە ئاژانس شەفەق نیوز وت؛ "ئمڕوو ئاسمان نیمەئەورە دویایی ئاڵشتبوود ئەرا ئەور تەواویگ، لە ناوچە کویەیلە هاتێ نمە واران و وەفر کەمیگ بوارێد، پلەی گەرمی لە توومارەیل دویکە نزیکەوبوود.
کەشناسی ئاشکەرایکرد، "سوو ئاسمان ئەوریگ واراناویە، لەناوچە کویەیلە هاتێ وەفر بوارێد، لە شەوەکی زوی هاتێ لە بڕیگ ناوچە تەم دروسبوود، پلەی گەرما وە (1-3) پلەی سیلیزی وە بەراوورد وە توومارەیل ئمڕوو داوەزێد”.
بەرزترین پلەی گەرمی مەزەنەکریاگ وە پلەی سیلیزی:
هەولێر : 10
سلێمانی : 8
دهۆک : 8
کەرکوک : 11
هەڵەبجە : 10
زاخۆ : 8
سۆران : 8
حاجی ئۆمەران : 1-
گەرمیان : 15.
