وەزیر وەرگری تورکیا ئەرا بارزانی باس لە ئامانج سەردانەگەی کەێد
شەفەق نیوز/ مەسعود بارزانی سەرکردەی کورد، ئمڕوو سێشەممە، لە سەڵاحەدین، چەوی کەفتە خەلوسی ئەکار وەزیر وەرگری تورکیا و شاند یاوەری لە یەشار کولەر سەرۆک ئەرکان سوپای تورکیا، و هاوکان کاراجای قونسڵ گشتی تورکیا لە هەولێر و ژمارەیەک لە راوێژکارەیل لە وەزارت وەرگری تورکیا.
بەیاننامەیگ لە بارەگای سەرکردەی کورد رەسیە ئاژانس شەفەق نیوز وت: وەزیر وەرگری لە چەوپێکەفتنەگە باس ئامانج سەردانەگەی ئەرا بەغداد و هەولێر کرد و دووپات کرد لە گرنگی ئاسایش و ئارامی ناوچەگە، و هەمیش گەشەیل پەیوەندیەگان لەناوبەین تورکیا و هەرێم کوردستان و عراق، باسی وە فرە گرنگ کرد ئەرا وڵاتەگەی.
وەزیرەگە وت؛ ئاسایش و ئارامی بوودە هووکار بتەوکردن ئابووری و گەشەکردن ناوچەگە.
لە باوەت پەیوەندیەگان ناوبەین هەرێم و بەغداد وت؛ ئومیدخوازە ک لە ری گفتوگۆکردن لە چوارچیوەی دەستور گرفتەگان چارەسەر بکریەن.
لەلای خوەییش مەسعود بارزانی سەرکردەی کورد ئاماژە کرد لة پەیوەندیە مێژووییەگان لەناوبەین هەرێم کوردستان و تورکیا، و دووپات کرد لە بنەمایل ئەو خوەشەویستیە ک لەناوبەین هەردوگلا دروس بویە، هەمیش رووشنایی خستە بان رەوشە سیاسیەگە و سەختیەگان و نووەوبویەگان لە عراق و ناوچەگە.
