وەزارەت دەیشت عراق دەرکردن ١٤ هاووڵاتی عراقی لە سودان راگەینێد
2023-04-23T10:13:02+00:00
شەفەق نیوز/ وەزارت دەیشت عراقی، ئمڕوو یەکشەممە، دەرکردن ١٤ هاووڵاتی عراقی لە سودان راگەیان، ک یە زیاتر لە یەک هەفتەس لەناو سودان رویوەڕیوبوین چەکدار کەفتیەسە ناوبەین هیزەیل سوپا و هیزەیل پاڵپشتیکردن زوینە.
ئەحمەد سەحاف قسەکەر وەزارەت دەیشت لە بەیاننامەیگ رەسیە ئاژانس شەفەق نیوز وت: وە چەودیاریکردن وەزیر دەیشت، توەنستیمن ١٤ هاووڵاتی عراقی لە خەڕتووم بڕەسیمنە شوینیگ ئارام لە ناوچەی بۆر سودان، ئەوەیش دویای داواکردنیان، و وەردەوامیمن لە تەقەلا وەگەرد لایەنەیل ئەرا دەکردن ئەو شمارەیل.
وتیش: لە جیوەجیکردن داویایل وەشیوەیگ نیشتمانی کار کەیمن، و گشت وەختەگە وەگەرد هاووڵاتیەیلمان لە خەڕتووم وەردەوام هەماهەنگی کەیمن.
سەحاف باس دیاریکردن شمارەیل پەیوەندی ئەرا هاووڵاتیەیل عراقی لە سودان کرد، هەرچەن رەوشەگە لەورا سەختە.
