وەرپرسیگ لە هەرێم کوردستان بی تاوان ناڕەزاگان لە پەلامار ماڵەگەی کەێد
2020-12-11T10:55:56+00:00
شەفەق نیوز/ یوسف حەسەن قایمقام قەزای کۆیە سەروە پارێزگای هەولێر پایتەخت هەرێم کوردستان، ئمڕوو جمعە، راگەیان ک ئەو پەلامارە ک ماڵەگەی کەفتە وەری لەلایەن خۆپیشاندەرەگان نەویە، بەڵکم وە رینمای کەسیگ لە پێشێلگارەیل لەبان داراییە گشتیەگان لە قەزاگە جیوەجی کریاگە.
حەسەن لە کۆنگرەیگ رۆژنامەوانی ئمڕوو وت: دویای دووپاتکردن لە کامیرا چەودیریەگان دەرکەفت ک پەلامارەگە لەبان ماڵەگەی پەیوەندی وە خۆپیشاندەرەگان نەیرێد.
وتیش؛ پاسەوانەیلی وەڵام پەلاماردەرەگە دان ک تەقەلا دیاد نارنجەیگ بخەێدە ناو ماڵەگە، و خوەشبەختانە ک هیچ زەرەدیگ بیجگە زەرەدەیلیگ دارایی لەلی نەویەو.
حەسەن وتیش؛ شناسنامەی تەقەکەرەگە ناسریا، و خوەی پەیوەندی وەکەسیگ دیرێد پێشێلکاری لەبان داراییە گشتیەگان کەێد، و ئاماژە کرد ک هێزە ئەمنیەگان مینەی کەن تا بگرنەی.
