وە داوای ریکارەیل زویوەزی.. نێچیروان بارزانی: گرژییەیل کەرکوک هەڕەشە لە وەیەکەوەژیان و ئارامی دەن
نێچیروان بارزانی لە راگەیاننی باس ئەوە کرد کە "بڕین ری هەولێر- کەرکوک لە ماوەی شەش رووژ گوزەشتە کاریگ نایاسایی بویە، وەداخەو تا ئیسە لەلایەن ئیدارەی پارێزگاوە ریگری لەلی نەکریایە، کەرکوک جیوەجیکردن یاسا و دەستوور خوازێد، و هویچ کاریگ نایاسایی نیەخوازێد”.
هەمیش وت: "کۆتایی هاوردن وەو کارەیلە وەگشت شیوەیگ لەلایەن ئیدارەی پارێزگاگە رەنگدانەوەی لەبان ژیان خەڵکەگە وەگشتی دیرێد، جویر ئەوە کە هاوڵاتیەیل کورد ناڕەزایی خوەیان وەرانەوەر بڕین ریەگە نشان دان، بەڵام وەداخەو وە زوور وەڵامیان دریاوە، و گەنجیگ شەهید بوی و چەن کەسیگ ترەکیش زەخمدار بوین”.
سەرۆک هەرێم کوردستان ئەوەیش خستەڕوی: "لە وەختیگ وە نیگەرانییەو تەماشای ئی گرژییە ئەمنییەیلە کەیمن و لە نزیکەو چەودیاری دۆخەگە کەیمن، وە زبری ئیدانەی تەقەکردن لەبان خوەینشاندان مەدەنی کەیمن، کە ئەو گرژییەیل ئەمنییە لە کەرکوک وەشیوەیگ جددی هەڕەشە لە وەیەکەوەژیان و ئاسایش و ئارامی کەن".
باس ئەوە کرد کە بایەسە لایەنە پەیوەندیدارەیل لە کەرکوک ڕێوشوێن زویوەزی جیوەجی بکەن، ئەرک هیزە ئەمنییەیل وەبی جیاوازی مقیەتی گشت پێکهاتەیل پارێزگاکە بکەن و تەقەکەرەیل بخەنە وەردەم دادگا.
بارزانی وتیش: مقیەتیکردن ئاسایش و ئارامی پارێزگاگە لە گەردن گشت لایەنەیلە و لەژیر هویچ پاساویگ ری نەیەنە ئاڵووزبوین رەوش ئەمنی کەرکوک و جەرگەی کەرکوک، هەمیش بایەسە گشت لایەنەیل وازکردن ریوبانەیل و گلەوداین ئاسایش و. ژیان ئاسایی ئەرا خوڵک پارێزگاگە وەخوەیان بگرن.
