وە خەرج خوەیان.. دەسکەفتەیل دیاریگ ئەرا وەرزشی خانەقین
شەفەق نیوز/ یانەی وەرزشی خانەقین، ئمڕوو سێشەممە، خەڵات و سەرکەفتنەیل لە بازیەیل تاکانە و تیمانە لە پیشبڕکیەیل فیدراڵی و پیشبڕکیەیل هەرێم کوردستان راگەیان، وتیش: وەدەسهاوردن ئەوە وە خەرج گیرفان خوەیان و دەسمیەتیەیل دەیشتەکی هاتیە.
حسێن شێرزاد سەرۆک یانەگە ئەرا ئاژانس شەفەق نیوز وت: یانەی خانەقین ئەرا بازیەیل زووری پلەی سێیەم لە پاڵەوانی کوردستان وەدەس هاورد ک لە پارێزگای سلێمانی سازیا، و ١٣ میدالیای جویراجویر وە تەنیا ٨ بازیگەر لە تیمەگە وەدەس هاورد، و دیاری کرد ک خانەقین پلەی سێیەم وەدەس هاورد لەوەر کەمی بازیگەرەیلی وەچەو ئەو یانەیل بەشدار.
شێرزاد وتیش: تیم تووپان گەنجەیل رەسیە چوارسویکەی تەڵایی ئەرا خول گەنجەیل تووپان دیالە، دویای سەرکەفتنی لەبان یانەی خاڵس وە پەلەنتی، وەگەرد وەدەسهاوردن پلەی سێیەم لە پاڵەوانی عراق وە گورمیچەوازی ک لە ماوەی گوزەشتە لە سلێمانی سازیا وە بەشداریکردن ٦٨ یانە.
شێرزاد دووپات کرد ک خانەقین دەسکەفتەیل جیاوازیل وە خەرج گیرفان خوەیان و چەن هاوکارییگ ئاسان وەدەس هاورد، چوینکە یانەگە وە سەختترین قەیران دارایی و نەوین پاڵپشتی حکومەتی رەد بوود.
جی باسە ک یانەی خانەقین ئامادەبوین وەرچەویگ لە پیشبڕکیەیل وەرزشی لە عراق وەدەس هاورد، لە جویراجویر بازیەیل، زاقتریان ساحە و مەیدان و سەوەتە وتووپان و تووپ دەسی و کیوکوشنکای و بازیەیلیگتر ئەرا هەردوگ رەگەز، و تیم تووپ دەسی لە شمارە سەختەیل لە خول عراق و خول هەرێم کوردستان دریەێدە قەڵەم، لە وەختیگ بازیگەرەیلی داد لە نەوین پاڵپشتیکردن حکومەتی کەن.
