وە بەشداری 450 کۆمپانیا .. ئیران پیشانگەیگ بازرگانی لە هەولێر واز کەێد
2021-12-21T13:13:48+00:00
شەفەق نیوز/ ئمڕوو سێشەممە پێشانگەی بازرگانی ئیران لەهەولێر پایتەخت هەرێم کوردستان وەبەشداری سەدان کۆمپانیا دەسوەپیکریا.
ڕێوڕەسم وازکردن پێشانگاگەی ئمڕوو وەئامادەبۊین وەزیر بازرگانی و پیشەسازیی هەرێم کوردستان کەمال موسەڵم، و وەزیر کشتوکاڵ و سەرچەوەیل ئاو پارێزگاگە بێگەرد تاڵەبانی، پارێزگاری هەولێر ئومێد خۆشناو، باڵیۆز ئیران لەبەغدا ئیرەج مەسجدی و بالیۆز ئیران لە هەولێر نەسروللا رشنودی و شمارەیگ بازرگان و بەرهەرمهاورەیل ئەنجام دریا.
فەرمانگەی زانیاری پارێزگای هەولێر لەبەیاننامەیگ راگەیان، زیاتر لە 450 کۆمپانیای بازرگانی و وەبەرهێنان و پیشەسازی و کارەباو پزیشکی و کەلوپەل ناو ماڵ بەشدارن لە پێشانگاگە و وەردەوامی دیرێد تا ماوەی چوار رووژ.
