وە بەشداریکردن 80 کۆمپانیای ئیرانی... سلێمانی چوارەمین پیشانگەی ئیرانی گرێدەخوەی ( وینە)
2023-10-04T10:11:41+00:00
شەفەق نیوز/ چوارەمین چالاکیەیل پیشانگای کۆمار ئیسلامی ئیران لە پارێزگای سلێمانی، ئمڕوو چوارشەممە، دەسوەپی کرد ئەرا نمایشکردن بەرهەمیل جیاوازەیل ناوخوەیی ئەرا دەیان کۆمپانیای ئەو وڵاتە.
سروش سازانی وەرپرس راگەیانن پێشانگاگە لە بەیانگ وە ئاژانس شەفەق نیوز راگەیان، وە بەشداریکردن 80 کۆمپانیای ئیرانی و شمارەیگ کۆمپانیای ناوخوەیی چوارەمین چاپ ئێ پێشانگا وەڕێوەچوود.
وتیش، پێشانگاگە ئەرا ماوەی پەنج رووژ وەردەوامە لە پێشانگای ناودەوڵەتی "تاسلوجە" ئەرا نمایشکردن زیاتر لە 15 کەرت لە لیان خوەراک و بینا و جوانکاری و تەندروسی و چشتەیلتریگ.
سازانی وتیش، ئامانج لەی پێشانگا ناسانن برهەمەیل ئی کۆمپانیایەیلە، و ئەوزەڵ دەێد وە ئاڵشتکاری بازرگانی ناوەین کۆمار ئیسلامی ئیران و پارێزگای سلێمانی ، دیاریکرد ئامادەبویەیل ئمساڵ جی سەرنج بوین.
