وەزیر تەندروسی هەرێم ٣٣ تویشهاتگ نوو وە کۆڕۆنا راگه‌یاند
شەفەق نیوز/ سامان بەرزنجی وەزیر تەندروسی هەرێم کوردستان، ئمڕوو سێشەممە، باس لە تۆمار کردن ٣٣ تویشهاتگ نوو وە ڤایڕۆس کۆڕۆنا كرد، وخود وەختەگە دیاری کرد لە بەرزەوبوین رێژەی مردن لە تویشهاتگەیل ئەرا ٢% ، وەل بڵاوبوین دوویەم شەپۆڵ لە پەتاگە.
بەرزەنجی لە کۆنگرەی رۆژنامەوانییگ ئمڕو وەل بڕیگ پزیشک پسپۆڕ وت؛ کۆڕۆنا لە نەخوشیە پەتاگانە، وجیوازی دیرێد لەو ڤایڕۆسەیل تر، و جهان نەڕیەسیەسە واکسینیگ یا دەرمانیگ ئەرای.
وتیش: هەرێم کوردستان وە زوینە دەسکردە کارەیل و رێکارەیل مقەیەتی ئەرا نواگردن لە بڵاوبوین ڤایڕۆسەگە، بەڵکم وەداخەو ک دویای ئەوە تویشهاتن نوو تۆمار کردیمن، وئاماژەدا ک شەپۆڵ دوویەم ڤایڕۆسەگە وە فرە زوی دەسکردە بڵاوبوین، وفرەی تویشهاتگەیل وەقیەودریاگن، وه‌ختێگ بیماریەگە وەپیانەو دیاردەێد، ک خوەیان سەردان خەسەخانەیل کەن.
وەزیرەگە هەمیش وت؛ ژمارەگان فرەوەبوون وژمارەی تویشهاتگە نووەگان فرەترە لە خاسەوبویەگان ک لەخەسەخانە دەرچن، وئاماژەدا ک رێژەی مردن وە ڤایڕۆسەگە لە هەرێم رەسیە ٢% وەل هاتن دوویەم شەپۆڵ کۆڕۆنا.
بەرزەنجی قسە ئەرا دانیشتوەیل هەرێم کرد؛ پشتگیری لەلیدان خوازیمن، وە پابەندی لە کارو رێوشوێنەیل مقەیەتی، تا نەچیمنە ناو قۆناغ مەترسیداریگ، وئاشکری تۆمارکردن ٣٣ تویشهاتگ نوو وەکۆڕۆنا له ئمڕوو کرد، وتاقیکردنەگان وەردەوامە، وتیش؛ پێشبینی زیاتر لە تویشهاتن کەیمن لە ماوەی روژەیل ئایندنه . وەزیرەگە وتیش؛ وەزارەتەگەی هەماهەنگی دروس کەێد وەل وەزارەت تەندروسی فیدڕاڵی، ئەرا پشتگردن هەرێم وە ئامێر پزشکی دژوە کۆڕۆنا و ئەرا چارەسەری.
