کووچبردن خەڵک شەش ئاوای لە باکوور هەولێر لەوەر گورزەیل ئیران
شەفەق نیوز/ وەڕیەوبەر ناحیەی سیدەکان سەر وە ئیدارەی سۆران سەروەخوەیی باکوور هەولێر، ئمڕوو شەممە، خەوەردا لە کووچبردن خەڵک شەش ئاوای لە ناحیەگە لەوەر گورزەیل ئیران.
ئیحسان چەلەبی وەڕیەوبەر ناحیەی سیدەکان ئەرا ئاژانس شەفەق نیوز وت: گورزەیل ئیران لەبان ناوچەیلیگ لە ناحیەی سیدەکان باکوور هەولێر یە هەشت رووژە وەردەوامە، و دیاری کرد ک گورزەگە کەژ کویەیل بەرزبین و سەقز کەێدە ئامانج.
وەڕیەوبەر ناحیەی سیدەکان دیاری کرد ک ٦ ئاوای لە دانیشتگەیلیان چووڵ کریان، و خەڵک ئەو ئاوایەیلە وەرەو سەنتەر ناحیەگە وەگەرد کەسوکارەیلیان هاتن.
چەلەبی وتیش: خەڵک ئەو ناوچەیل سنووریە پعت وە کشتوکاڵی وئیوەتکردن ئاژەڵ هەسک، و کشاوەرزیەیل ناچار بوین زەویلیان بیلنەجی و وەرەو شوینگ ئارام بار بکەن، دیاری کرد ک ئیدارەی ناحیەگە ها پەیوەندی وەرد وەزارەت ناوخۆی هەرێم کوردستان ولایەتەیل پەیوەندیدار لە حکومەت هەرێم کوردستان لەباوەت نووەوبویەیل.
