ووردەکاریەیل نوویگ لە قوربانیبۊن ئەفسەریگ و زەخمدارەیلیگ لە پۆلیس سلێمانی
2021-12-05T13:22:34+00:00
شەفەق نیوز/ وەڕیەوبەرایەتی دژایەتی تۊنوتیژی دژ وە ژنەیل لە پارێزگای سلێمانی،ئمڕوو یەکشەممە، راگەیان ووردەکاریەیل رووداوەگەی دۊەوشەو ک ئەفسەریگ بۆیە قوربانی و ئەندامەیلیگ تر لە ئاسایش زەخمدار بۊن.
کوردە عومور خانمە وەڕیەوبەر گشتی لە کۆنگرەیگ رۆژنامەوانی وت: هۊیچ توومەتباریگ دەسگیر نەکریاگە و ژنە خاوەن سکاڵاگە هالە شۊن ئارامیگ.
وتیش: دۊیای رەسین مەفرەزەیلمان ئەرا ماڵ ژنەگر چەن کەسیگ لەناو ماڵەگە بۊی، و یەکیگیان تەقە لە ماشین نەقیبەگە کرد وەرجەیە لەلی داوەزێد ک بۊیە هووکار شەهیدبۊنی و زەخمداری بڕێ تر لە پۆلیس.
و دیاری کرد ک ئەو پیاوەگ تەقەکرد یاداشت دەسگیرکردن لەبانی درچگە ک شۊی ژنەگە نییە.
خانمە وەرپرسە ئەمنیەگە دیاری کرد ک دووان لە پۆلیسەگە زەخمەیلیان سەختە، و ماشینەگە لەوەر تەقەکردن لەبان تانکی بەنزینەگەی ئاگر چگەلی.
