وه‌نه‌وشک ئیلام، تامدار و پڕ له خاسی
2020-11-13T12:58:18+00:00
شه‌فه‌ق نیوز- ونه‌وشک ک یه‌کجوورێ پسته‌کێوه‌یله‌سه، به‌ر دارێگه وه نام وه‌ن.
وه ئی مێوه‌ی رێز و تامداره، ونه‌وش، کێوڵن، کێوڵنگ، چه‌ق چه‌ق، چاتڵانقووش، گۆنه‌وشگ‌یش دویشن.
وه‌ن، دار پایارێگه ک ئه‌ر نه‌کنرێ، خوه‌ێ ئه‌ڕا خوه‌ێ، تا سێسه‌د ساڵیش دمینێگه‌ێ.
وه‌ن ده نام به‌ڕووسان و وه‌رد دار به‌ڕووه‌یل سه‌وز و ره‌وز دکه‌ێ ئوو شیره‌گه‌ێ ک وه کڵاشانن و ده نام کاسه‌کوچڵه‌ی خه‌ڕگین، گردێیه‌و دکرێ، بێ‌ژه یه ک دۆمای کوڵانن دکه‌نه‌ی وه جاجگ کوردی، ئه‌ڕا مه‌واد ئارایێشتی کلێ دکه‌نه ده‌ره‌وه‌ی وڵاتیش.
شووکه، ک هه‌ر چه‌ن ساڵ، ده بارێشته‌ساڵه‌یل له به‌ڕووسانه‌یل دگیردرێ، هه جوور دووشاو و شیره‌ی خورما، خوه‌راکی خاسێگه.
جه‌فت، وه‌رد جاجگ تیه‌ڵانه‌ی خام، له چشته‌یلێ ترن ک له به‌ڕووسان دگرنه‌ێیان و ده تب کوردیاتی، فره ته‌جویز کریانه.
