وه‌به‌شدارى 79 ده‌وڵه‌ت.. چواره‌مين فيستيڤاڵ فيلم ناوده‌وڵه‌تى له سلێمانى ده‌سوه‌پيكرد
شه‌فه‌ق نيوز/ ئمڕوو وه‌به‌شدارى 134 فيلم له 79 ده‌وڵه‌ت, چواره‌مين فيستيڤاڵ فيلم ناوده‌وڵه‌تى له سلێمانى ده‌سوه‌پيكرد.
وه‌گووره‌ى نوسينگه‌ى ره‌سانن فيستيڤاڵه‌گه، فيستيڤاڵ سينه‌مايى له شار سلێمانى له هه‌رێم كوردستان چالاكيه‌يلێ وه نمايشكردن فيلم "ئه‌خه‌وات ئه‌لحه‌رب" ده‌س وه‌پى ئه‌كا ك له دراوردن ده‌رهێنه‌ر و نويسه‌ر فره‌نسى "كارولينا فورست"ه.
جى باسه، يه‌كه‌مين نمايشكردن جه‌هانى فيلم ناوبرياگ له فيستيڤاڵ سينمايى به‌رلين بوى وه به‌شداريكردن 69 وڵات له ئه‌ڵمانياو نمايشكردن دويه‌ميش له خوه‌رهه‌ڵات ناوين له شار سلێمانى وه به‌شدارى شماره‌يگ له سينماكاره‌يل ناوچه‌يى و جه‌هانى نمايش كريه‌ێد.
جى باسه، ئمساڵ كۆمپانياى "مه‌ستى فيلم" سه‌رپه‌رشتى ريكخستن چواره‌مين فيستيڤاڵ فيلم ناوده‌وڵه‌تى له سلێمانى ئه‌كا وه ئداره‌ى فوئاد جه‌لال و وه‌سه‌رۆكايه‌تى مه‌لا به‌ختيار وه‌رپرس به‌ش تايبه‌ت ئه‌را پشتگيرى له‌ى فيستيڤاڵه و يه‌كيگ له سياسيه‌يل ناودار له هه‌رێم كوردستان و ئداره‌ى هه‌نه‌رييش له‌لايه‌ن دانا عومه‌ر فارس سه‌رپه‌رشى ئه‌كريه‌ێد.
