پولیس سلێمانی باندیگ دەسگیر کەێد تەرم هاووڵاتییگ شاردنەسەو
عەمید ئاسۆ شێخ تەها وەڕیەوبەر گشتی پولیس پارێزگای سلێمانی لە کۆنگرەیگ رووژنامەوانی ئاژانس شەفەق نیوز ئامادەی بوی وت: لە ١٣ی کانوون دویەم گوزەشتە، ئاگادار دەزگایل ئەمنی کریا وە نەمان هاوڵاتییگ، و دویای ئەوە تیمیگ لێکۆڵینەوە لە ئەندامەیل ئەمنی وەتوانا دروس کریا، و کەفتنە شوین ریکارەیل لێکۆڵینەوە تا ماوەی دوو مانگ گوزەشتە.
شێخ تەها وتیش: دەزگایل ئەمنی تەرمەگە لە شوینیگ دەیشت سلێمانی پەیا کردن، وەبی زانستن نشانەیلیگ ئەرا ناسین قوربانیەگە، و کەسیگیش سکاڵا توومار نەکردگە، ک یە هیشت لێکۆڵینەوە کەمیگ سەختەو بوود، باوجی و رەنج و تەقەلای لیکۆڵینەرەیل توەنستیمن بڕەسیمنە سەر مەچیر تاوانەگە، و رەسیمنە تاک وەتاک جیوەجیکەریل تاوانەگە، ک شەش کەس بوینە لەناو شوقەیگ لە سلێمانی، و دویای جیوەجی تاوانەگە، یەکیگیان چگە وەرەو کەرکوک و ئەوەکە وەرەو بەغداد، و تیم لێکۆڵینەوە چگە شوینیان لە کەرکوک و بەغدا و هەر شەس کەس باندەگە دەسگیر کریان.
لەباوەت هوکارەیل کوشتنەگە، وەڕیەوبەر پولیس سلێمانی وت: تیم لێکۆڵینەوە هوکارەیل زانێد، وەلی چوینکە هیمان لێکۆڵینەوە نەوەسیاگە، نیەتوەنیمن ئاشکرای بکەیمن.
